Xiaomi ເປີດໂຕເຮືອທຸງ Mi Note 2 ແລະ Mi MIX ໄປເມື່ອປາຍເດືອນກ່ອນ, ພໍເລີ່ມຕົ້ນຕົ້ນເດືອນໃໝ່ກໍ່ສົ່ງສະມາດໂຟນ ລາຄາປະຫຍັດມາເອົາໃຈກຸ່ມລູກຄ້າຕະຫຼາດລຸ່ມແນ່ ກັບສະມາດໂຟນ Redmi 4 ເຊິ່ງມີໃຫ້ເລືອກ 2 ເວີຊັ່ນ ມາກັບລາຄາທີ່ຈັບຕ້ອງໄດ້ ແຕ່ໃຫ້ສະເປັກຢ່າງຄຸ້ມຄ່າ.

3-xiaomi-redmi4

ເຖິງຈະເປັນສະມາດໂຟນລະດັບລຸ່ມ ແຕ່ Xiaomi Redmi 4 ມາກັບວັດສະດຸໂລຫະ ຜະລິດດ້ວຍເຄື່ອງຈັກຄອມພິວເຕີ ຜ່ານຂະບວນການ Diamond Cutting ແລະ Ceramic Sand Blasting ຄ້າຍກັບເປັນສະມາດໂຟນລະດັບພຣີມ່ຽມ, ເສີມດ້ວຍແວ່ນ 2.5D ສຳລັບກັນຮອຍຂູດຂີດທີ່ດ້ານໜ້າ.

Xiaomi Redmi 4 ຮອງຮັບເຄືອຂ່າຍ 4G LTE ສະໜັບສະໜູນ 2 ຊິມກາດ, ໃຊ້ຈໍສະແດງຜົນ 1920 x 1080 ພິກເຊລ, ເຮັດວຽກເທິງພື້ນຖານ Android 6.0 Marshmallow (MIUI 8), ຄວາມຈຸແບັດເຖິງ 4,100mAh, ກ້ອງດ້ານຫຼັງ 13 ລ້ານພິກເຊລ ໂຟກັສພາບໃນລະບົບ PDAF ແຟລຊ LED, ກ້ອງເຊລຟີ່ 5 ລ້ານພິກເຊລ ແລະ ຕິດຕັ້ງເຊັນເຊີ້ສະແກນລາຍນິ້ວມືມາໃຫ້ນຳ.

4-xiaomi_redmi_4

Xiaomi Redmi 4 ມີໃຫ້ເລືອກ 2 ເວີຊັ່ນ ເລີ່ມຕົ້ນດ້ວຍ RAM 2GB + ROM 16GB ມາກັບຊິບ Snapdragon 430 ລາຄາ 699 ຫຍວນ ຫຼື ປະມານ 845,000 ກີບ. ອີກເວີຊັ່ນໃຊ້ RAM 3GB + ROM 32GB ມາກັບຊິບ Snapdragon 625 ລາຄາ 899 ຫຍວນ ຫຼື ປະມານ 1,085,000 ກີບ.

Xiaomi Redmi 4 ທັງ 2 ເວີຊັ່ນ ສະໜັບສະໜູນ microSD ແລະ ເລີ່ມວາງຈຳໜ່າຍໃນວັນທີ 11 ພະຈິກນີ້ ພ້ອມກັບລຸ່ນ Redmi 4A.

5-xiaomi_redmi4

 

ຂອບໃຈແຫຼ່ງຂ່າວຈາກ: flashfly, Gizmochina

ຖ້າຍັງບໍ່ໄດ້ Like ເພຈ໌ເຟສບຸກ “devcrown.com ຄວາມຮູ້ທັນສະໄໝ“, ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຂໍ້ມູນຂ່າວສານ, ຄວາມຮູ້ທີ່ດີດີ.

 

Facebook Comment
ອ່ານບົດຄວາມແລ້ວ ກົດໂຄສະນາລຸ່ມນີ້ທຸກເທື່ອໃຫ້ແດ່ເດີ້ ເປັນການສະໜັບສະໜູນຜູ້ຂຽນອີກທາງ ^^
loading...
SHARE