ພາຍໃຕ້ກະແສຂອງຄຳວິພາກວິຈານໃນດ້ານຕ່າງໆຂອງ Super Mario Run ລ່າສຸດ Nintendo ຜູ້ພັດທະນາເກມດັງ ກ່າວວ່າ Super Mario Run ມີຍອດດາວໂຫຼດສູງເຖິງ 40 ລ້ານເທື່ອໃນ 1 ອາທິດ.

Nintendo America ໄດ້ທະວີທຂໍ້ຄວາມຢືນຢັນຂໍ້ມູນດັ່ງກ່າວໃນວັນທີ 22 ທັນວາ 2016 ເຊິ່ງເຮັດໃຫ້ Super Mario Run ຄອງສະຖິຕິແອັບທີ່ມີຍອດດາວໂຫຼດໄວທີ່ສຸດຂອງໂລກ.

c0n7k9iukaanotz

ເຖິງແມ່ນວ່າຈະບໍ່ໄດ້ມີການເປີດເຜີຍລາຍຮັບຂອງເກມຢ່າງເປັນທາງການ ແຕ່ Super Mario Run ກໍ່ໄດ້ກາຍເປັນແອັບທີ່ເຮັດລາຍໄດ້ສູງສຸດຂອງ iPhone ຫຼັງຈາກທີ່ເປີດໂຕໃຫ້ດາວໂຫຼດບໍ່ຮອດ 1 ມື້ (15 ທັນວາ 2016) ແລະ ຍັງເຮັດສະຖິຕິຕໍ່ເນື່ອງມາຮອດ iPad ໃນມື້ຕໍ່ມາ.

ກ່ອນໜ້ານີ້ໄດ້ມີຂ່າວລະບຸວ່າ Nintendo ຍັງບໍ່ທັນມີແຜນທີ່ຈະເພີ່ມດ່ານ ຫຼື ເນື້ອຫາໃໝ່ໆ (ທັງແບບຟຣີ ແລະ ເສຍເງິນ) ໃຫ້ກັບ Super Mario Run ແຕ່ດ້ວຍຄວາມສຳເລັດທີ່ໄດ້ຮັບ ກໍ່ສາມາດຄາດການໄດ້ວ່າ Nintendo ໜ້າຈະເປີດໂຕເກມ ແລະ ແອັບສຳລັບໂທລະສັບມືຖືອີກຫຼາຍໂຕໃນອະນາຄົດ.

 

ຂອບໃຈແຫຼ່ງຂ່າວຈາກ: pocketgamer.co.uk

ຖ້າຍັງບໍ່ໄດ້ Like ເພຈ໌ເຟສບຸກ “devcrown.com ຄວາມຮູ້ທັນສະໄໝ“, ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຂໍ້ມູນຂ່າວສານ, ຄວາມຮູ້ທີ່ດີດີ.

 

Facebook Comment

LEAVE A REPLY