Samsung ເປີດໂຕແລັບທ໊ອບ ຫຼື ໂນ້ດບຸກລຸ່ນໃໝ່ ເອີ້ນວ່າ: Chromebook Pro ມັນມາພ້ອມກັບບິກ Stylus ທີ່ອອກແບບມາກ້ຽງຄຽງກັບ S Pen ຂອງ Galaxy Note 7 ແລະ ແນ່ນອນວ່າມັນຕ້ອງມາກັບໜ້າຈໍສຳຜັດ ເພື່ອຮອງຮັບການເຮັດວຽກຮ່ວມກັບ Stylus ແລະ ມີຄວາມພິເສດບ່ອນທີ່ສາມາດພັບ ຫຼື ໝຸນໜ້າຈໍໄດ້ 360 ອົງສາ ຈຶ່ງສາມາດໃຊ້ງານໄດ້ຄ້າຍແທັບເລັດ.

1-samsung-chromebook-pro-pen

Samsung Chromebook Pro ໃຊ້ຈໍສະແດງຜົນກວ້າງ 12.3 ນິ້ວ, ຄວາມລະອຽດ 2400 x 1600 ພິກເຊລ, ສະແດງພາບໃນອັດຕາສ່ວນ 3:2, ເຮັດວຽກເທິງລະບົບປະຕິບັດການ Chrome ເຊິ່ງຮອງຮັບແອັບຂອງ Android ໄດ້ຈາກ Google Play Store, ປະມວນຜົນດ້ວຍໂປຣເຊັສເຊີ້ 6 ແກນ (Cortex A72 Dual Core + Cortex A53 Quad Core) ຄວາມຈຳ RAM 4GB ຈັບຄູ່ກັບ ROM 32GB ຮອງຮັບກາດໜ່ວຍຄວາມຈຳພາຍນອກ ແລະ ມີພອຣ໌ຕ USB Type-C ມາໃຫ້ 2 ຮູ.

Samsung Chromebook Pro ດີໄຊນ໌ໃນສະໄຕນ໌ Metallic ນໍ້າໜັກປະມານ 1 ກິໂລກລັມ, ມາກັບລາຄາ 500 ໂດລ່າ ຫຼື ປະມານ 4,050,000 ກີບ.

2-samusng-chromebook-pro-rotating-display-840x6313-samsung-chromebook-pro-typing-840x631

 

ຂອບໃຈແຫຼ່ງຂ່າວຈາກ: flashfly, AndroidAuthority

ຖ້າຍັງບໍ່ໄດ້ Like ເພຈ໌ເຟສບຸກ “devcrown.com ຄວາມຮູ້ທັນສະໄໝ“, ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຂໍ້ມູນຂ່າວສານ, ຄວາມຮູ້ທີ່ດີດີ.

 

Facebook Comment
SHARE