OnePlus 3T ສະມາດໂຟນເຮືອທຸງລຸ່ນລ່າສຸດຂອງ OnePlus ອາດເປັນສະມາດໂຟນລຸ່ນທຳອິດ ທີ່ມີແຣມຫຼາຍເຖິງ 8 GB ເລີຍ.

1-oneplus_3_gold_one03_thumb800

ຕະຫຼອດຫຼາຍອາທິດມານີ້ ໄດ້ມີຂ່າວລືຫຼວງຫຼາຍກ່ຽວກັບ OnePlus 3T ສະມາດໂຟນເວີຊັ່ນອັບເດດມາຈາກ OnePlus 3 ເຊິ່ງຄາດວ່າຈະເປີດໂຕຢ່າງເປັນທາງການໃນວັນທີ 15 ພະຈິກ 2016 ນີ້, ໂດຍມີຂ່າວລືວ່າ OnePlus 3T ຈະມີສະເປັກດັ່ງນີ້:

  • ໃຊ້ຊີພີຢູ Snapdragon 821
  • ກ້ອງຫຼັງແບບໃໝ່ ຄວາມລະອຽດ 16 ລ້ານພິກເຊລ
  • ເຊັນເຊີ້ຕ່າງໆໄດ້ຮັບການອັບເດດໃໝ່
  • ໃຊ້ລະບົບປະຕິບັດການ Android 7.0 Nougat
  • ໜ້າຈໍ AMOLED

ພຽງເທົ່ານີ້ກໍ່ຫນ້າຈະເຮັດໃຫ້ OnePlus 3T ກາຍເປັນສະມາດໂຟນລະດັບທ໊ອບໄດ້ຢ່າງບໍ່ຍາກ ແຕ່ລ່າສຸດເວັບໄຊ້ The Verge ໄດ້ລາຍງານວ່າສະມາດໂຟນລຸ່ນດັ່ງກ່າວ ອາດຈະມີແຣມຫຼາຍເຖິງ 8 GB ເລີຍ.

oneplus_3_photo_gallery_1-1024x682

ຂ່າວລືດັ່ງກ່າວຍັງບໍ່ໄດ້ຮັບການຢືນຢັນຢ່າງເປັນທາງການຈາກ OnePlus ແຕ່ຢ່າງໃດ ແຕ່ມີຄວາມເປັນໄປໄດ້ສູງທີ່ຈະມີແຣມ 8GB ຕິດມານຳ (ເມື່ອມີການເປີດໂຕຜູ້ຂຽນຈະມານຳສະເໜີແນ່ນອນ), ແຕ່ຈາກການອັບເດດສະເປັກໃນເທື່ອນີ້ ກໍ່ອາດເຮັດໃຫ້ OnePlus 3T ມີລາຄາສູງເຖິງ 479 ໂດລ່າ (ຫຼື ປະມານ 3,900,000 ກີບ) ເລີຍ.

 

ຂອບໃຈແຫຼ່ງຂ່າວຈາກ: phonearena.com
ຖ້າຍັງບໍ່ໄດ້ Like ເພຈ໌ເຟສບຸກ “devcrown.com ຄວາມຮູ້ທັນສະໄໝ“, ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຂໍ້ມູນຂ່າວສານ, ຄວາມຮູ້ທີ່ດີດີ.
Facebook Comment
SHARE