ວິທະຍາສາດເຖິງຈະເປັນສາດທີ່ມີພະລັງ ແລະ ເປັນເຫດເປັນຜົນທີ່ສຸດ ແຕ່ມັນກໍ່ຍັງມີຫຼາຍສິ່ງຫຼາຍຢ່າງ ທີ່ວິທະຍາສາດຍັງບໍ່ສາມາດອະທິບາຍໄດ້ເທື່ອ ຢ່າງເຊັ່ນ 6 ປາກົດການເໜືອທຳມະຊາດລຸ່ມນີ້ ທີ່ຫຼາຍຄົນພະຍາຍາມຫາຄຳຕອບ ແຕ່ສຸດທ້າຍກໍ່ຍັງບໍ່ມີຄຳຕອບທີ່ຖືກຕ້ອງເລີຍ.

1Taos Hum

ສຽງທີ່ມີຄວາມຖີ່ຕໍ່າປິດສະໜາ ທີ່ດັງມາຈາກທະເລຂອງເມືອງ Taos ທາງຕາເວັນຕົກສ່ຽງໃຕ້ຂອງລັດນິວເມັກຊິໂກ, ອາເມຣິກາ, ທີ່ແມ່ນວ່າຈະມີຄົນບອກວ່າສຽງມັນຄ້າຍຄືກັບລົດ ທີ່ກຳລັງແລ່ນລົງຈາກເນີນ ແຕ່ຫຼາຍຄັ້ງທີ່ມີການບັນທຶກສຽງໄດ້ ແຕ່ບໍລິເວນນັ້ນກໍ່ບໍ່ມີລົດເລີຍຈັກຄັນ.

2Déjà vu

ຫຼາຍຄົນຄົງຄຸ້ນຫູ ແລະ ມີຈຳນວນບໍ່ນ້ອຍທີ່ໄດ້ພົບເຫັນພາບເຫດການບາງຢ່າງ ທີ່ຄືວ່າຈະເຄີຍເກີດຂຶ້ນມາແລ້ວ ເຊິ່ງນັກວິທະຍາສາດໄດ້ສົມມຸດຖານວ່າມັນເປັນການເຮັດວຽກຂອງສະໝອງ ທີ່ເຮັດໃຫ້ເຮົາເຫັນພາບຊໍ້າ ແລະ ບາງເທື່ອກໍ່ເກີດມາຈາກພາບໃນຄວາມຝັນຂອງເຮົາເອງ ແຕ່ນັ້ນມັນກໍ່ຍັງບໍ່ພຽງພໍທີ່ຈະອະທິບາຍໄດ້ວ່າ ເປັນຫຍັງເຮົາຈຶ່ງເຫັນເຫດການລ່ວງໜ້າໄດ້.

3Near-death visions

ມີຄຳບອກເລົ່າຈາກຜູ້ຄົນ ເຊິ່ງເຄີຍປະສົບກັບເຫດການເຄິ່ງເປັນເຄິ່ງຕາຍ ທີ່ໄດ້ເຫັນອຸໂມງອັນມືດມິດ ທີ່ມີແສງຢູ່ສຸດທາງອຸໂມງ ກ່ອນທີ່ພວກເຂົາຈະຟື້ນຂຶ້ນມາອີກເທື່ອ ຈຶ່ງເປັນເລື່ອງທີ່ແປກວ່າ…ເປັນຫຍັງຄົນເຫຼົ່ານີ້ຈຶ່ງສາມາດຈົດຈຳເຫດການໄດ້ ທັງທີ່ຮ່າງກາຍເຂົາເຈົ້າຢຸດການເຮັດວຽກໄປແລ້ວ.

4Ghosts

ເລື່ອງຜີເປັນເລື່ອງທີ່ຜູກພັນກັບມະນຸດເຮົາຕັ້ງແຕ່ອະດີດຈົນມາຮອດປະຈຸບັນ ເຊິ່ງແນ່ນອນວ່າວິທະຍາສາດຍັງບໍ່ສາມາດພິສູດໄດ້ເຕັມໂຕກ່ຽວກັບເລື່ອງນີ້ ເອົາເປັນວ່າຢູ່ສາຍກາງລະຫວ່າງວິທະຍາສາດ ກັບ ໄສຍະສາດກໍ່ຄື: “ບໍ່ເຊື່ອຢ່າຫຼົບລູ່ ແຕ່ກະຕ້ອງໄດ້ພິສູດໄປນຳ”.

5Intuition

ຫຼື ທີ່ຫຼາຍຄົນມັກເອີ້ນມັນວ່າ the sixth sense ຫຼື ສຳຜັດທີ່ 6 ເຊິ່ງເປັນປາກົດການທີ່ວິທະຍາສາດກໍ່ຍາກທີ່ຈະອະທິບາຍໄດ້ວ່າ ມັນເກີດມາຈາກຫຍັງ ແຕ່ມີຂໍ້ສະຫຼຸບງ່າຍໆທີ່ບອກວ່າ: ສິ່ງນີ້ເປັນຄຸນສົມບັດທີ່ທຸກຄົນມີມາຕັ້ງແຕ່ເກີດ ແຕ່ວ່າເຮົາຄຸ້ນເຄີຍກັບການນຳໃຊ້ສຳຜັດທັງຫ້າ ຈຶ່ງເຮັດໃຫ້ເຮົາລືມສິ່ງນີ້ໄປ.

6The placebo effect

ຢ່າງທີ່ເຮົາຮູ້ກັນດີວ່າຢາມີຄວາມຈຳເປັນຕໍ່ການຮັກສາຫຼາຍພະຍາດ ແຕ່ຫຼັງຈາກມີການທົດລອງສິ່ງທີ່ເອີ້ນວ່າ ‘ຢາຫຼອກ’ ກັບຜູ້ປ່ວຍຮ້າຍແຮງຢ່າງມະເລັງ ແລະ ພົບວ່າພວກເຂົາເຈົ້າສາມາດຟື້ນໂຕເອງ ຈາກຢາທີ່ເກືອບວ່າ ບໍ່ມີຄຸນສົມບັດໃນການຮັກສາພະຍາດນັ້ນແມ່ນແຕ່ນ້ອຍ. ເຊິ່ງສິ່ງນີ້ສາມາດຢືນຢັນຄວາມພິເສດບາງຢ່າງທີ່ເຊື່ອງໃນຮ່າງກາຍຂອງມະນຸດໄດ້.

 

ຂອບໃຈແຫຼ່ງຂ່າວຈາກ: muyinteresante.com

ຖ້າຍັງບໍ່ໄດ້ Like ເພຈ໌ເຟສບຸກ devcrown.com ຄວາມຮູ້ທັນສະໄໝ, ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຂໍ້ມູນຂ່າວສານ, ຄວາມຮູ້ທີ່ດີດີ.

 

Facebook Comment
SHARE