Samsung ເປີດໂຕສະມາດໂຟນ Galaxy C9 Pro ຢ່າງເປັນທາງການ ນັບເປັນລຸ່ນທຳອິດຂອງຄ້າຍທີ່ມາພ້ອມກັບຄວາມຈຳ RAM 6GB, ຄວາມຈຸໃນໂຕ 64GB ຂະນະທີ່ເຮືອທຸງກ່ອນໜ້ານີ້ທັງ Galaxy S7, Galaxy S7 edge ຫຼື Galaxy Note 7 ມາກັບ RAM 4GB. ບໍ່ພຽງແຕ່ເທົ່ານັ້ນ Galaxy C9 Pro ຍັງຜະລິດດ້ວຍວັດສະດຸລະດັບພຣີມ່ຽມ, ບໍດີ້ອະລູມີນຽມແບບດຽວກັນກັບຍານອາວະກາດ ແລະ ອອກແບບເສັ້ນເສົາອາກາດໃໝ່ ເປັນສາມເສັ້ນບາງໆ.

1-samsung-galaxy-c9-pro-pink1

Samsung Galaxy C9 Pro ຮອງຮັບເຄືອຂ່າຍ 4G LTE ເຮັດວຽກເທິງລະບົບປະຕິບັດການ Android 6.0.1 Marshmallow, ຊິບປະມວນຜົນ Qualcomm Snapdragon 653 ຈໍສະແດງຜົນ Super AMOLED ຄວາມລະອຽດ Full HD 1080p, ກວ້າງ 6 ນິ້ວ, ຄວາມຈຸແບັດ 4,000mAh ແລະ ໃຊ້ພອຣ໌ຕ USB Type-C.

2-samsung_galaxy_c9_pro

Samsung Galaxy C9 Pro ມາພ້ອມກັບລຳໂພງລະບົບສຽງ Hi-Fi, ກ້ອງ 16 ລ້ານພິກເຊລ, ຂະໜາດຮູຮັບແສງ F1.9 (ທັງກ້ອງໜ້າ ແລະ ກ້ອງຫຼັງ), ຢືນຢັນຕົວຕົນດ້ວຍລະບົບລາຍນິ້ວມືທີ່ປຸ່ມໂຮມ ແລະ ສະໜັບສະໜູນບໍລິການ Samsung Pay.

3-samsung-galaxy-c9-pro-spec

Samsung Galaxy C9 Pro ມີແຜນວາງຈຳໜ່າຍທີ່ປະເທດຈີນເປັນບ່ອນທຳອິດ, ມາກັບລາຄາ 3,199 ຫຍວນ ຫຼື ປະມານ 3,870,000 ກີບ.

 

ຂອບໃຈແຫຼ່ງຂ່າວຈາກ: flashfly, Samsung

ຖ້າຍັງບໍ່ໄດ້ Like ເພຈ໌ເຟສບຸກ “devcrown.com ຄວາມຮູ້ທັນສະໄໝ“, ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຂໍ້ມູນຂ່າວສານ, ຄວາມຮູ້ທີ່ດີດີ.

 

Facebook Comment
SHARE