ພາຍຫຼັງທີ່ຄະນະນຳຂັ້ນສູງຂອງລາວຊຸດທີ 8 ນີ້ ໄດ້ເສຍສະລະເອົາລົດປະຈຳຕຳແໜ່ງຂອງຕົນ ທີ່ມີລາຄາແພງ ອອກປະມູນຂາຍຈຳນວນ 14 ຄັນ, ໃນນັ້ນມີລົດເກັງ BMW ລຸ້ນ 730 LI ຈຳນວນ 7 ຄັນ ແລະ ລົດເກັງ ຍີ່ຫໍ້ Mercedes BENZ ລຸ້ນ S350 ຈຳນວນ 7 ຄັນ ລວມມູນຄ່າປະມານ 2,500 ລ້ານກີບ. ປະຊາຊົນຜູ້ຮູ້ຂ່າວ ໂດຍສະເພາະແມ່ນຜູ້ຢາກເຂົ້າປະມຸນ ຕ່າງກໍສົນໃຈຢາກຮູ້ວ່າລົດຄັນໃດ ເປັນລົດຂອງການນຳທ່ານໃດ ເພື່ອປະກອບການຕັດສິນໃຈ. ດັ່ງນັ້ນ ເພື່ອບໍ່ເປັນການເສຍເວລາ, ພວກເຮົາໄປເບິ່ງນຳກັນເລີຍວ່າ ລົດຄັນໃດ ຫຼື ໝາຍເລກທະບຽນໃດເປັນຂອງປະທານປະເທດ, ນາຍົກລັດຖະມົນຕີ ແລະ ການນຳຂັ້ນຕ່າງໆ. ໄປເບິ່ງກັນໄດ້ເລີຍ:

1

ຄັນໝາຍເລກ 01 ຍີ່ຫໍ້ BMW ລຸ້ນ 730 Li ສີດຳ, ເລກທະບຽນ ກຜ 8893
ຄວາມແຮງ 3000 cc, (3,0L) ປີນຳໃຊ້: 2012 ແລ່ນແລ້ວ 20,972 ກິໂລແມັດ
ເຄີຍເປັນລົດປະຈຳຕຳແໜ່ງຂອງ ທ່ານ ບຸນຍັງ ວໍລະຈິດ, ປະທານປະເທດແຫ່ງ ສປປ ລາວ.

2

ຄັນໝາຍເລກ 02 ຍີ່ຫໍ້ BMW ລຸ້ນ 730 Li ສີດຳ, ເລກທະບຽນ ກຜ 8896
ຄວາມແຮງ 3000 cc, (3,0L) ປີນຳໃຊ້: 2012 ແລ່ນແລ້ວ 13,613 ກິໂລແມັດ
ເຄີຍເປັນລົດປະຈຳຕຳແໜ່ງຂອງ ທ່ານ ທອງລຸນ ສີສຸລິດ, ນາຍົກລັດຖະມົນຕີແຫ່ງ ສປປ ລາວ.

3

ຄັນໝາຍເລກ 03 ຍີ່ຫໍ້ BMW ລຸ້ນ 730 Li ສີດຳ, ເລກທະບຽນ ກຜ 8894
ຄວາມແຮງ 3000 cc, (3,0L) ປີນຳໃຊ້: 2012 ແລ່ນແລ້ວ 11,677 ກິໂລແມັດ
ເຄີຍເປັນລົດປະຈຳຕຳແໜ່ງຂອງ ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ.

4

ຄັນໝາຍເລກ 04 ຍີ່ຫໍ້ BMW ລຸ້ນ 730 Li ສີດຳ, ເລກທະບຽນ ກຜ 8899
ຄວາມແຮງ 3000 cc, (3,0L) ປີນຳໃຊ້: 2012 ແລ່ນແລ້ວ 13,308 ກິໂລແມັດ
ເຄີຍເປັນລົດປະຈຳຕຳແໜ່ງຂອງ ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ, ປະທານອົງການກວດກາແຫ່ງລັດ.

5

ຄັນໝາຍເລກ 05 ຍີ່ຫໍ້ BMW ລຸ້ນ 730 Li ສີດຳ, ເລກທະບຽນ ກຜ 8901
ຄວາມແຮງ 3000 cc, (3,0L) ປີນຳໃຊ້: 2012 ແລ່ນແລ້ວ 6,911 ກິໂລແມັດ
ເຄີຍເປັນລົດປະຈຳຕຳແໜ່ງຂອງ ທ່ານ ພັນຄຳ ວິພາວັນ ຮອງປະທານປະເທດແຫ່ງ ສປປ ລາວ.

6

ຄັນໝາຍເລກ 06 ຍີ່ຫໍ້ BMW ລຸ້ນ 730 Li ສີດຳ, ເລກທະບຽນ ກຜ 9800
ຄວາມແຮງ 3000 cc, (3,0L) ປີນຳໃຊ້: 2012 ແລ່ນແລ້ວ 2,033 ກິໂລແມັດ
ເຄີຍເປັນລົດປະຈຳຕຳແໜ່ງຂອງ ທ່ານ ບຸນປອນ ບຸດຕະນະວົງ ຮອງນາຍົກລັດຖະມົນຕີແຫ່ງ ສປປ ລາວ.

7

ຄັນໝາຍເລກ 07 ຍີ່ຫໍ້ BMW ລຸ້ນ 730 Li ສີດຳ, ເລກທະບຽນ ກຜ 8897
ຄວາມແຮງ 3000 cc, (3,0L) ປີນຳໃຊ້: 2012 ແລ່ນແລ້ວ 5,345 ກິໂລແມັດ
ເຄີຍເປັນລົດປະຈຳຕຳແໜ່ງຂອງ ມື້ລາງ ທ່ານ ດວງໃຈ ພິຈິດ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ.

8

ຄັນໝາຍເລກ 08 ຍີ່ຫໍ້ Mercedes Benz ລຸ້ນ S350 ສີດຳ, ເລກທະບຽນ ກຣ 5888
ຄວາມແຮງ 3500 cc, (3,0L) ປີນຳໃຊ້: 2012 ແລ່ນແລ້ວ 19,230 ກິໂລແມັດ
ເຄີຍເປັນລົດປະຈຳຕຳແໜ່ງຂອງທ່ານ ຈັນສີ ໂພສີຄຳ ປະທານຈັດຕັ້ງສູນກາງພັກ.

9

ຄັນໝາຍເລກ 09 ຍີ່ຫໍ້ Mercedes Benz ລຸ້ນ S350 ສີດຳ, ເລກທະບຽນ ກກ 9989
ຄວາມແຮງ 3500 cc, (3,0L) ປີນຳໃຊ້: 2012 ແລ່ນແລ້ວ 1,480 ກິໂລແມັດ
ເຄີຍເປັນລົດປະຈຳຕຳແໜ່ງຂອງທ່ານ ໄຊສົມພອນ ພົມວິຫານ ປະທານສູນກາງແນວລາວສ້າງຊາດ.

10

ຄັນໝາຍເລກ 10 ຍີ່ຫໍ້ Mercedes Benz ລຸ້ນ S350 ສີດຳ, ເລກທະບຽນ ກກ 5678
ຄວາມແຮງ 3500 cc, (3,0L) ປີນຳໃຊ້: 2012 ແລ່ນແລ້ວ 19,148 ກິໂລແມັດ
ເຄີຍເປັນລົດປະຈຳຕຳແໜ່ງຂອງ ທ່ານ ສົມພັນ ແພງຄຳມີ ຮອງປະທານສະພາແຫ່ງຊາດ.

11

ຄັນໝາຍເລກ 11 ຍີ່ຫໍ້ Mercedes Benz ລຸ້ນ S350 ສີດຳ, ເລກທະບຽນ ກກ 6903
ຄວາມແຮງ 3500 cc, (3,0L) ປີນຳໃຊ້: 2012 ແລ່ນແລ້ວ 1,447 ກິໂລແມັດ
ເຄີຍເປັນລົດປະຈຳຕຳແໜ່ງຂອງ ມື້ລາງທ່ານ ສະໝານ ວິຍະເກດ ປະທານສະພາແຫ່ງຊາດ.

12

ຄັນໝາຍເລກ 12 ຍີ່ຫໍ້ Mercedes Benz ລຸ້ນ S350 ສີດຳ, ເລກທະບຽນ ກຣ 7899
ຄວາມແຮງ 3500 cc, (3,0L) ປີນຳໃຊ້: 2012 ແລ່ນແລ້ວ 10,490 ກິໂລແມັດ
ເຄີຍເປັນລົດປະຈຳຕຳແໜ່ງຂອງ ມື້ລາງທ່ານ ສຸກັນ ມະຫາລາດ ເຈົ້າຄອງນະຄອນຫຼວງວຽງຈັນ.

13

ຄັນໝາຍເລກ 13 ຍີ່ຫໍ້ Mercedes Benz ລຸ້ນ S350 ສີດຳ, ເລກທະບຽນ ກຣ 5689
ຄວາມແຮງ 3500 cc, (3,0L) ປີນຳໃຊ້: 2012 ແລ່ນແລ້ວ 2,005 ກິໂລແມັດ
ເຄີຍເປັນລົດປະຈຳຕຳແໜ່ງຂອງ ມື້ລາງທ່ານ ເຈືອງ ສົມບູນຂັນ ປະທານໂຄສະນາອົບຮົມສູນກາງພັກ (ຄັນນີ້ມີຄົນຈອງໄວ້ແລ້ວບໍ່ປະມູນ)

14

ຄັນໝາຍເລກ 14 ຍີ່ຫໍ້ Mercedes Benz ລຸ້ນ S350 ສີດຳ, ເລກທະບຽນ ກລ 8888
ຄວາມແຮງ 3500 cc, (3,0L) ປີນຳໃຊ້: 2012 ແລ່ນແລ້ວ 3:751 ກິໂລແມັດ
ເຄີຍເປັນລົດປະຈຳຕຳແໜ່ງຂອງ ມື້ລາງທ່ານ ທອງບັນ ແສງອາພອນ ລັດຖະມົນຕີກະຊວງປ້ອງກັນຄວາມສະຫງົບ

ເລິ່ມຈຳໜ່າຍຊອງປະມູນຕັ້ງແຕ່ວັນທີ 3-20 ກຸມພາ 2017 ນີ້ ວາງສະແດງຢູ່ທີ່ ຫໍປະຊຸມແຫ່ງຊາດ ຫຼັກ6 ນະຄອນຫຼວງວຽງຈັນ. ສຳລັບລາຄາເບື້ອງຕົ້ນ ລົດ Mercedes Benz ລາຄາ 960,000,000 ກີບ ຫຼື 117,000 ໂດລາສະຫະລັດ, ສ່ວນ BMW ລາຄາ 583,000,000 ກີບ ຫຼື 71,000 ໂດລາສະຫະລັດ.

ແຫຼ່ງຂ່າວ: Laopost, ຮຽບຮຽງ: devcrown.com ຄວາມຮູ້ທັນສະໄໝ

ຖ້າຍັງບໍ່ໄດ້ Like ເພຈ໌ເຟສບຸກ “devcrown.com ຄວາມຮູ້ທັນສະໄໝ“, ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຂໍ້ມູນຂ່າວສານ, ຄວາມຮູ້ທີ່ດີດີ.

 

Facebook Comment
SHARE