ວັນທີ 1​3 ມິຖຸນາ ​​ນີ້ທີ່ຫ້ອງວ່າການເມືອງຫີນເຫີບ ໂຄງການເຂື່ອນໄຟຟ້ານ້ຳລີກ 1​ ໄດ້ນຳເອົາເງິນຈຳນວນ 4 ຕື້ກວ່າກີບ ໄປມອບໃຫ້ແກ່ປະຊາຊົນ ທີ່ຖືກຜົນກະທົບຈາກໂຄງການກໍ່ສ້າງເຂື່ອນໄຟຟ້າດັ່ງກ່າວ, ຈຳນວນ 112 ຄອບຄົວ​​, ໂດຍຜ່ານອົງການປົກຄອງ​​ເມືອງ ​ໂດຍແມ່ນທ່ານອຸດົງວົງສະຫວາດເຈົ້າເມືອງຫີນເຫີບເປັນຜູ້ມອບ​ ​ຊ້ອງໜ້າທ່ານນາງ ຈັນແພງວິພາວັນຄະນະປະຈຳພັກແຂວງຕາງໜ້າໃຫ້ແກ່ເຈົ້າແຂວງໆວຽງຈັນ​, ມີບັນດາພະນັກງານກ່ຽວຂ້ອງເຂົ້າຮ່ວມ.

ທ່ານພິພັດພົງຈັນດີຜູ້ອຳນວຍການບໍລິຫານບໍລິສັດໄຟຟ້ານ້ຳລີກ 1 ຈຳກັດກ່າວວ່າ:​ ໂຄງ ການກໍ່ສ້າງ​​ເຂື່ອນນ້ຳລີກ 1 ມີຜູ້​​ໄດ້ຮັບຜົນກະທົບທັງໝົ 489 ຄອບຄົວ, ​ລວມເປັນມູນຄ່າຊົດເຊີຍທັງໝົດ11,7 ລ້ານໂດລາສະຫະລັດ, ໃນນີ້ຖືກກະທົບເປັນສິ່ງປຸກສ້າງປະເພດທີ່ຢູ່​​​ອາໄສ 112 ຄອບຄົວແມ່ນໄດ້ຍົກຍ້າຍອອກ​​ໄປຢູ້ບ້ານຫີນ​​ເຫີບເໜືອ, ບ້ານຫີນເຫີບໃຕ້ແລະບ້ານ​​ໂພນທອງ​ ​ເຊິ່ງມີການປຸກສ້າງເຮືອນໃຫ້​​ສຳເລັດ 100%. ການມອບເງິນຊົດເຊີຍຄັ້ງນີ້ແມ່ນເປັນປະເພດດິນທຳການຜະລິດ,​ ຕົ້ນໄມ້ໃຫ້ໝາກ ແລະຕົ້ນໄມ້​​ອຸດສາຫະກຳ, ສ່ວນຄອບຄົວທີ່ຍັງ​​ເຫລືອ ຈະໄດ້ສືບຕໍ່ຊົດເຊີຍໃຫ້ສຳເລັດໃນທ້າຍປີນີ້.

ທ່ານກ່າວຕື່ມວ່າ:​ ໂຄງການກໍ່ສ້າງເຂື່ອນໄຟຟ້ານ້ຳລີກ 1​ ​​ໄດ້ເລີ່ມກໍ່ສ້າງໃນປີ 2014​ ແຕ່ໄດ້ລົງມືຕົວຈິງໃນປີ 2016 ຍ້ອນຖືກຜົນກະທົບຈາກພາຍຸ, ມາຮອດປັດຈຸບັນ ມີຄວາມຄືບໜ້າໄປແລ້ວ ​58%​ໂດຍມີມູນຄ່າການກໍ່ສ້າງ 153,7 ລ້ານໂດລາສະຫະລັດ,​ ໂຄງການດັ່ງກ່າວ ແມ່ນການລົງທຶນ​​​ແບບມີສ່ວນຮ່ວມຂອງບໍລິສັດ GPSC ຖືຫຸ້ນ 40%, ບໍລິສັດໄທໂດຖືຮຸ້ນ 40%,​ ເອກະຊົນຈາກ.​ເກົາຫລີ ຖືຮຸ້ນ 10% ​ແລະບໍລິສັດໄຟຟ້າລາວຖືຮຸ້ນ 10%, ຫາກສ້າງສຳເລັດມີກຳລັງການຜະລິດ 65​ ເມກາວັດ.

ແຫຼ່ງຂ່າວຈາກ: KPL, ຮຽບຮຽງ: devcrown.com ຄວາມຮູ້ທັນສະໄໝ

ຝາກ Like, share, comment ເພື່ອສະໜັບສະໜູນພວກເຮົາ ແລະ ຖ້າຍັງບໍ່ໄດ້ Like ເພຈ໌ເຟສບຸກ “devcrown.com ຄວາມຮູ້ທັນສະໄໝ”, ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຄວາມຮູ້ທີ່ດີດີ.

Facebook Comment
SHARE