ສຳນັກຂ່າວເອພີລາຍງານຈາກກຸງວໍຊິງຕັນ ປະເທດອາເມຣິກາ ເມື່ອວັນທີ 21 ທັນວາວ່າ ຈອນ ເຄີບີ ໂຄສົກກະຊວງການຕ່າງປະເທດອາເມຣິກາ ກ່າວໃນຊ່ວງໜຶ່ງຂອງການຖະແຫຼງປະຈຳວັນອັງຄານ ວ່າລັດຖະບານອາເມຣິກາ “ມີຄວາມວິຕົກກັງວົນຢ່າງສູງ” ຕໍ່ກັບທິດສະດີສົມຄົບຄິດທີ່ເກີດຂຶ້ນໃນຕຸລະກີ ວ່າອາເມຣິກາ ມີສ່ວນກ່ຽວຂ້ອງ ຫຼື ໃຫ້ການສະໜັບສະໜູນ ຢູ່ເບື້ອງຫຼັງ ຫຼື ວິທີການໃດກໍ່ຕາມ ກັບເຫດການຍິງສັງຫານເອກອັກຄະລາຊະທູດຣັດເຊຍ ປະຈຳກຸງອັງກາຣາ ທີ່ເກີດຂຶ້ນເມື່ອວັນຈັນທີ່ຜ່ານມາ ພຽງເພາະ ເຟຕຮຸລເລາະ ກູເລນ (ຄູ່ປັບຕະຫຼອດການຂອງລັດຖະບານຕຸຣະກີ) ພຳນັກຢູ່ໃນອາເມຣິກາ ຂໍ້ກ່າວຫາທັງໝົດເປັນສິ່ງທີ່ບໍ່ມີມູນຄວາມຈິງຫຼາຍ.

ເຄີບີກ່າວຕໍ່ໄປວ່າ ທຸກຝ່າຍຄວນໃຫ້ພະນັກງານສືບສວນ ເຮັດໜ້າທີ່ຂອງຕົນເອງຢ່າງເຕັມທີ່ ແລະ ການສະຫຼຸບຂໍ້ກ່າວຫາໃນເລື່ອງໃດ ຕ້ອງຕັ້ງຢູ່ເທິງພື້ນຖານຄວາມເປັນຈິງ ແລະ ຫຼັກຖານທີ່ເປັນຮູບປະທຳເທົ່ານັ້ນ ຖ້ອຍຖະແຫຼງການຂອງໂຄສົກກະຊວງການຕ່າງປະເທດອາເມຣິກາມີຂຶ້ນ ຫຼັງຈາກມີລາຍງານວ່າ ເມຟລຸຄ ຄາວູໂຊກລູ ລັດຖະມົນຕີກະຊວງການຕ່າງປະເທດຂອງຕຸຣະກີ ແຈ້ງໃຫ້ ຈອນ ແຄຣີ່ ລັດຖະມົນຕີກະຊວງການຕ່າງປະເທດຂອງອາເມຣິກາຮູ້ວ່າ ລັດຖະບານຕຸຣະກີ ແລະ ລັດຖະບານຮັດເຊຍ “ຮູ້ແລ້ວ” ວ່າແນວຮ່ວມຂອງກູເລນ ຢູ່ເບື້ອງຫຼັງການສັງຫານ ອັງເດຣ ຄາຣ໌ລອຟ ທູດຣັດເຊຍຢ່າງໂຫດຮ້າຍ ທີ່ສູນສິລະປະແຫ່ງໜຶ່ງໃນກຸງອັງກາຣາ.

3-capture

ທັງນີ້ ປະທານາທິບໍດີ ວລາດີເມຍ ປູຕິນ ກ່າວພຽງວ່າ ຜູ້ທີ່ຢູ່ເບື້ອງຫຼັງເລື່ອງນີ້ມີເຈດຕະນາ ຕ້ອງການທຳລາຍຄວາມພະຍາຍາມຟື້ນຟູຄວາມສຳພັນ ລະຫວ່າງຮັດເຊຍກັບຕຸຣະກີ ແລະ ຂະບວນການສ້າງເສລີພາບໃນຊີເຣຍ ໂດຍຂໍໃຫ້ໜ່ວຍງານທີ່ກ່ຽວຂ້ອງເລັ່ງຕາມຫາ “ຜູ້ສັ່ງການ” ມາລົງໂທດໂດຍໄວ.

ccapture

 

ຂອບໃຈແຫຼ່ງຂ່າວຈາກ: AP

ຖ້າຍັງບໍ່ໄດ້ Like ເພຈ໌ເຟສບຸກ “devcrown.com ຄວາມຮູ້ທັນສະໄໝ“, ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຂໍ້ມູນຂ່າວສານ, ຄວາມຮູ້ທີ່ດີດີ.

 

Facebook Comment

LEAVE A REPLY