ອີງຕາມການລາຍງານຂອງ ສຳນັກຂ່າວສານປະເທດລາວ ໃນ 2 ວັນທີ່ຜ່ານມາ ກໍ່ຄືວັນທີ 20-21 ທັນວາ 2016 ມີປະຊາຊົນລາວບັນດາເຜົ່າ 2 ລ້ານກວ່າສົ່ງຂໍ້ຄວາມ ແລະ ສະແດງຄວາມຊົມເຊີຍສະຫນັບສະຫນູນຕໍ່ ທ່ານ ນາຍົກ ແຫ່ງ ສປປ ລາວ ຜ່ານເຟສບຸກປະເທດລາວ ໂດຍມີເນື້ອໃນບາງຕອນບອກວ່າ: “ຈະຂໍຢູ່ຄຽງຂ້າງ ທ່ານ ນາຍົກ ຕະຫລອດໄປ ແລະ ສົມແລ້ວທີ່ເປັນນາຍົກຂວັນໃຈປະຊາຊົນຢ່າງແທ້ຈິງ”.

ໂດຍນັບແຕ່ວັນທີ 20-21 ທັນວາ 2016 ເຟສບຸກປະເທດລາວ (pathedlao Lao) ພາຍໃຕ້ຜະລິດຫນຶ່ງຂອງສໍາຂ່າວສານປະເທດລາວ ສາມາດເກັບຂໍ້ມູນຂອງປະຊາຊົນ ພະນັກງານ ທະຫານ ຕໍາຫວດ ແລະ ຄົນລາວທັງຢູ່ພາຍໃນ ແລະ ຕ່າງປະເທດລວມທັງຫມົດ 2 ລ້ານກວ່າຄົນ ໄດ້ເຂົ້າມາສະແດງຄວາມຊົມເຊີຍ ແລະ ສະຫນັບສະຫນູນຄະນະລັດຖະບານຊຸດໃຫມ່ໂດຍສະເພາະ ຄໍາເຫັນ ແລະ ການໃຫ້ທິດນໍາຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວຕໍ່ຄະນະນໍາ ພະນັກງານຫລັກແຫລ່ງ ແລະ ເຈົ້າຫນ້າທີ່ລັດ ໃນນັ້ນປະຊາຊົນມັກທີ່ສຸດ ແລະ ໃຫ້ການສະຫນັບສະຫນູນຫລາຍທີ່ສຸດຕໍ່ ທ່ານ ນາຍົກ 7 ຂໍ້ຄື:

1. ມາດຕະການຮັດສາຍແອວ ແລະ ຕ້ານການຟູມເຟືອຍ

2. ຄໍາສັ່ງເລກທີ 15/ນຍ ຫ້າມສົ່ງອອກໄມ້

3. ການປາບປາມສໍ້ລາດບັງຫລວງ

4. ການເລັ່ງທວງໃຫ້ເບີກຈ່າຍເງິນເດືອນໃຫ້ພະນັກງານລັດຖະກອນ ແລະ ຜູ້ບໍານານໃຫ້ວ່ອງໄວເດືອນຕໍ່ເດືອນ ຫ້າມເອົາເງິນເດືອນພະນັກງານໄປຝາກກິນທະນາຄານເພື່ອກິນດອກເບ້ຍ.

5. ສັ່ງໃຫ້ຢຸດຕິການເກັບເງິນຄ່າຝາກລົດຕາມແຄມທາງ, ໃຫ້ຮື້ຖອນຮ້ານກິນດື່ມສິ່ງມຶນເມົາ ແລະ ສະຖານບັນເທີງໃກ້ກັບສະຖານບັນການສຶກສາດ່ວນ

6. ໃຫ້ຄົ້ນຄວ້າການປູກ ການລ້ຽງ ແລະ ອະນຸລັກຕົ້ນກິນຫມາກພັນພື້ນເມືອງ

7. ສັ່ງໂຈະການຂຶ້ນລາຄານໍ້າປະປາປີ 2017 ດ່ວນ ແລະ ສັ່ງໃຫ້ປັບປຸງລາຄາໄຟຟ້າຊົມໃຊ້ຫລຸດລົງ.

 

ຂອບໃຈແຫຼ່ງຂ່າວຈາກ: ຂປລ

ຖ້າຍັງບໍ່ໄດ້ Like ເພຈ໌ເຟສບຸກ “devcrown.com ຄວາມຮູ້ທັນສະໄໝ“, ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຂໍ້ມູນຂ່າວສານ, ຄວາມຮູ້ທີ່ດີດີ.

 

Facebook Comment
ອ່ານບົດຄວາມແລ້ວ ກົດໂຄສະນາລຸ່ມນີ້ທຸກເທື່ອໃຫ້ແດ່ເດີ້ ເປັນການສະໜັບສະໜູນຜູ້ຂຽນອີກທາງ ^^
loading...
SHARE