ເວັບໄຊ້ຂ່າວຈີນ “ຊ່າງໄຫ່ເດລີ” ລາຍງານຈາກເມືອງສຽນຫຍາງ ປະເທດຈີນເມື່ອວັນທີ 6 ມັງກອນທີ່ຜ່ານມາວ່າ ເດັກຊາຍໄວ 4 ປີ ທີ່ບໍ່ໄດ້ລະບຸຊື່ ຈົມນໍ້າເສຍຊີວິດໃນສະລອຍນໍ້າຂອງສວນນໍ້າ “ສປາ ເວີລດ໌” ພາຍໃນຣີສອດ “ໂອຊຽນ ສປຣິງ” ຕັ້ງຢູ່ໃນເມືອງສຽນຫຍາງ ມົນທົນສ່ານຊີ ທາງພາກກາງຂອງຈີນ ຫຼັງນາງສ້ຽວ ແມ່ຂອງເດັກຊາຍ ພາເດັກຄົນດັ່ງກ່າວ ແລະ ນ້ອງສາວມາຫຼິ້ນທີ່ສະນໍ້າແຫ່ງນີ້ ຈາກຄລິປວີດີໂອກ້ອງວົງຈອນປິດ ຂອງຣີສອດເຜີຍໃຫ້ເຫັນພາບຂອງເດັກຊາຍ ຍ່າງລົງໄປທີ່ບໍລິເວນໃຈກາງສະ ຈາກນັ້ນຈຶ່ງຈົມນໍ້າ ລາວດິ້ນລົນເອົາຊີວິດລອດຢູ່ປະມານ 3 ນາທີ ແຕ່ກໍ່ບໍ່ມີໃຜສົນໃຈ ຂະນະທີ່ຜູ້ເປັນແມ່ເອງ ຢືນເອົາແຕ່ຫຼິ້ນໂທລະສັບ ຫ່າງຈາກຈຸດທີ່ລູກຊາຍຈົມນໍ້າຢູ່ປະມານ 3-4 ແມັດເທົ່ານັ້ນ ນາງບໍ່ໄດ້ຮັບຮູ້ເລີຍວ່າລູກຊາຍຂອງຕົນ ກຳລັງຈະເສຍຊີວິດຈາກການຈົມນໍ້າ ແລະ ເມື່ອເດັກຈົມຫາຍໄປແລ້ວ ລາວຈຶ່ງຫາກະສັງເກດໄດ້ວ່າ ລູກຊາຍຫາຍໄປ ແລະ ໄປແຈ້ງຕໍ່ກັບເຈົ້າໜ້າທີ່ໃຫ້ຫາໂຕເດັກ.

capture4 capture3

ຫຼັງຈາກເຈົ້າໜ້າທີ່ຄົ້ນຫາທົ່ວທັງບໍລິເວນ ເປັນເວລາກວ່າ 1 ຊົ່ວໂມງ ກໍ່ພົບກັບຮ່າງໄຮ້ວິນຍານ ຂອງເດັກຊາຍຈົມຢູ່ໃຕ້ນໍ້າ ຈາກຂໍ້ມູນຂອງສື່ທ້ອງຖິ່ນເປີດເຜີຍວ່າ ສະນໍ້າສຳລັບເດັກຕື້ນພຽງ 30 cm ແລະ ຈາກນັ້ນຈະເລິກ 1.3 m ໂດຍທີ່ມີກຳແພງເຕ້ຍກັ້ນອານາເຂດເອົາໄວ້ ແລະ ເດັກຊາຍຜູ້ນີ້ກໍ່ຈົມນໍ້າໃນລະດັບ 1.1 m ແລະ ຂະນະນີ້ສວນນໍ້າ ສປາ ເວີລດ໌ ຖືກປິດ ແລະ ເຈົ້າໜ້າທີ່ກຳລັງສືບສວນຢ່າງລະອຽດ.

 

ຂອບໃຈແຫຼ່ງຂ່າວຈາກ: ຊ່າງໄຫ່ເດລີ
ຖ້າຍັງບໍ່ໄດ້ Like ເພຈ໌ເຟສບຸກ “devcrown.com ຄວາມຮູ້ທັນສະໄໝ“, ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຂໍ້ມູນຂ່າວສານ, ຄວາມຮູ້ທີ່ດີດີ.

 

Facebook Comment

LEAVE A REPLY