ເຈົ້າໜ້າທີ່ຕຳຫຼວດອັງກິດ ອອກມາຢືນຢັນວ່າ ມີຜູ້ເສຍຊີວິດຈາກໄຟໄໝ້ຕຶກສູງ 24 ຊັ້ນ ທີ່ທາງພາກຕາເວັນຕົກ ຂອງນະຄອນຫຼວງລອນດອນແລ້ວ 12 ຄົນ ແລະ ເຊື່ອວ່າຈຳນວນຜູ້ເສຍຊີວິດ ໜ້າຈະເພີ່ມສູງຂຶ້ນອີກ ເພາະຍັງມີຜູ້ສູນຫາຍຈຳນວນຫຼາຍ.

ທັງນີ້ ໄດ້ມີການເຜີຍແຜ່ພາບຂອງຜູ້ທີ່ສູນຫາຍ ຜ່ານທາງສື່ສັງຄົມອອນໄລນ໌ ເພື່ອໃຫ້ຜູ້ຄົນຊ່ວຍກັນຕາມຫາແລ້ວເຊັ່ນດຽວກັນ ທາງການຍັງໄດ້ຕັ້ງສາຍດ່ວນຂຶ້ນ 0800 0961 233 ເພື່ອໃຫ້ປະຊາຊົນສາມາດແຈ້ງເຫດ ກ່ຽວກັບຄອບຄົວ ແລະ ໝູ່ຄູ່ໄດ້.

ຂະນະທີ່ຈຳນວນຜູ້ທີ່ໄດ້ຮັບບາດເຈັບເພີ່ມຂຶ້ນເປັນ 68 ຄົນ ໂດຍທັງໝົດຖືກນຳໂຕ ໄປທີ່ໂຮງໝໍ 6 ແຫ່ງ ທົ່ວນະຄອນຫຼວງລອນດອນ ໃນຈຳນວນນີ້ 18 ຄົນອາການສາຫັດ.

ເຈົ້າຫນ້າທີ່ດັບເພີງເປີດເຜີຍວ່າ ຍັງມີໄຟລຸກໄໝ້ໃນບາງຈຸດ ທີ່ເຂົ້າໄປໄດ້ຍາກ ແຕ່ທາງເຈົ້າໜ້າທີ່ໄດ້ກວດຄົ້ນພື້ນທີ່ ຂອງຕຶກໃນສ່ວນ ທີ່ໂຄງສ້າງຍັງແຂງແຮງດີ ເກືອບທັງໝົດແລ້ວ.

ນາງ ເທເຣຊາ ເມ ນາຍົກລັດຖະມົນຕີອັງກິດປະກາດວ່າ ຈະດຳເນີນການສືບສວນເຫດການໄຟໄໝ້ດັ່ງກ່າວ ຢ່າງເຕັມທີ່ ເພື່ອເບິ່ງວ່າບົດຮຽນໃດທີ່ຈະຕ້ອງຮຽນຮູ້ ເນື່ອງຈາກຈົນຮອດຂະນະນີ້ ຍັງບໍ່ຮູ້ສາເຫດທີ່ຊັດເຈນ ຂອງເຫດການໄຟໄໝ້ດັ່ງກ່າວ.

ຮຽບຮຽງ: devcrown.com ຄວາມຮູ້ທັນສະໄໝ

ຝາກ Like, share, comment ເພື່ອສະໜັບສະໜູນພວກເຮົາ ແລະ ຖ້າຍັງບໍ່ໄດ້ Like ເພຈ໌ເຟສບຸກ “devcrown.com ຄວາມຮູ້ທັນສະໄໝ”, ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຄວາມຮູ້ທີ່ດີດີ.

Facebook Comment
SHARE