ສຳນັກຂ່າວເອເອຟພີ ລາຍງານເມື່ອວັນເສົາທີ 17 ມິຖຸນາວ່າ ເຄີກ ໂຈນສ໌ ຊາຍຊາວອາເມຣິກາ ອາຍຸ 53 ປີ ທີ່ລອດຊີວິດຈາກການທ້າທາຍຄວາມຕາຍ ໂດຍການໂດດລົງນໍ້າຕົກໄນແອກາຣາ ນ້ຳຕົກຂະໜາດມະຫຶມາ ທີ່ຕັ້ງຢູ່ລະຫວ່າງຊາຍແດນການາດາ ແລະ ອາເມຣິກາ ໂດຍປາສະຈາກການໃຊ້ອຸປະກອນ ປ້ອງກັນໂຕໃດໃດ ໄດ້ເປັນຄົນທຳອິດຂອງໂລກ ໄດ້ເສຍຊີວິດແລ້ວ ຈາກຄວາມພະຍາຍາມທີ່ຈະທ້າທາຍຄວາມຕາຍ ດ້ວຍການໂດດລົງນໍ້າຕົກໄນແອກາຣາ ເປັນເທື່ອທີ່ 2 ເຖິງວ່າເທື່ອນີ້ລາວຈະໃຊ້ໝາກບານເຂົ້າຊ່ວຍ ໃນການລອຍໂຕກໍ່ຕາມ.

ສື່ຂອງທາງອາເມຣິກາລາຍງານວ່າ ສົບທີ່ຖືກພົບໃນບໍລິເວນແມ່ນໍ້າໄນແອກາຣາ ໄດ້ຮັບການພິສູດແລ້ວວ່າ ແມ່ນ ໂຈນສ໌ ຜູ້ທີ່ເຄີຍໂດດນໍ້າຕົກໄນແອກາຣາດ້ວຍໂຕເປົ່າ ແລະ ລອດຊີວິດມາໄດ້ໃນປີ 2003 ໂດຍສົບຂອງລາວພົບຫຼັງຈາກ ທີ່ລາວໂດດລົງຈາກນໍ້າຕົກແຫ່ງນີ້ ທີ່ມີຄວາມສູງເຖິງ 51 ແມັດອີກເທື່ອ ເມື່ອວັນທີ 19 ເມສາທີ່ຜ່ານມາ.

ຮຽບຮຽງ: devcrown.com ຄວາມຮູ້ທັນສະໄໝ

ຝາກ Like, share, comment ເພື່ອສະໜັບສະໜູນພວກເຮົາ ແລະ ຖ້າຍັງບໍ່ໄດ້ Like ເພຈ໌ເຟສບຸກ “devcrown.com ຄວາມຮູ້ທັນສະໄໝ”, ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຄວາມຮູ້ທີ່ດີດີ.

Facebook Comment
SHARE