ເມື່ອວັນທີ 7 ທັນວາທີ່ຜ່ານມາໄດ້ມີການສຳພາດ ເອື້ອຍ ແຕ້ວ ນະຖະພອນ ນາງເອກສາວຈາກເລື່ອງ “ນາຄີ” ລະຄອນຂອງປະເທດເພື່ອນບ້ານ ທີ່ເປັນກະແສຕິດ ລະດັບໂລກໃນຕອນນີ້.

ກະແສ “ນາຄີ” ຢູ່ລາວ

ທາງຝັ່ງລາວຊື່ມຊົມເລື່ອງ ນາຄີ ຄືກັນ ຮູ້ຫຼືບໍ່? ນາງເອກສາວ ແຕ້ວ ກ່າວວ່າ “ບໍ່ຮູ້ເລີຍ ຮູ້ແຕ່ວ່າຕອນໄປທີ່ລາວ ມີຄົນຮູ້ຈັກແຕ້ວນຳ ແຕ້ວກໍ່ບໍ່ຄິດວ່າເຂົາເຈົ້າຈະຮູ້ ແຕ່ເລື່ຶອງທີ່ວ່າກະແສນາຄີຢູ່ລາວນິ ບໍ່ຮູ້ມາກ່ອນເລີຍ”.

ເຊິ່ງໃນວັນທີ 28 ຕຸລາ 2016 ທີ່ຜ່ານມານາງເອກສາວ ແຕ້ວ ໄດ້ຄວງແມ່ ເລືອກທີ່ໄປພັກຜ່ອນທີ່ເມືອງມໍລະດົກໂລກ ຫຼວງພະບາງ ໂດຍໃນຊ່ວງເຊົ້າ ເອື້ອຍແຕ້ວ ຍັງໄດ້ຕື່ນແຕ່ເຊົ້າ ສະພາຍຜ້າບ່ຽງ ຕັກບາດຮ່ວມກັບອ້າຍນ້ອງຊາວລາວເຮົານຳ.

1-taew2-560x420

ເອີ້ນໄດ້ວ່າຊາວລາວທີ່ຮູ້ວ່າເອື້ອຍແຕ້ວ ບິນມາທີ່ລາວເຮົາ ກໍ່ພາກັນມາຄອມເມັ້ນ ເອື້ອຍແຕ້ວກັນຢ່າງຫຼວງຫຼາຍວ່າ “ສະບາຍດີ ຄຳແກ້ວ” ເຊິ່ງຄົນທີ່ບັງເອີນໄປພົບໂຕຈິງ ກໍ່ຂໍເຊລຟີ້ແບບເປັນກັນເອງຫຼາຍຊ໊ອດ ເອີ້ນໄດ້ວ່າ ຕອນນັ້ນກະແສນາຄີກໍ່ເລີ່ມດັງຂ້າມຂອງມາເລີຍແລ້ວ.

1-2-taew1-622x420

ດຣາມ່າລົບຫຼູ່ບັ້ງໄຟພະຍານາກ

ແລະ ມີດຣາມ່າບາງກະແສວ່າ ຄືກັບໄປລົບຫຼູ່ເລື່ອງບັ້ງໄຟພະຍາກນາກ ວ່າທີ່ເກີດບັ້ງໄຟພະຍານາກ ແມ່ນການສະແດງຄວາມຮັກ ເຊິ່ງຕາມຄວາມເຊື່ອແລ້ວ ບໍ່ແມ່ນແບບນັ້ນ, ກັງວົນຢູ່ບໍ່? ນາງເອກຄົນດັງ ກ່າວວ່າ  “ແຕ້ວບໍ່ເຖິງກັບກັງວົນ ເພາະຫາກະຮູ້ຂ່າວ ແຕ່ແຕ້ວວ່າມັນເປັນເລື່ອງທີ່ເຂົ້າໃຈໄດ້ວ່າ ທຸກໆຄົນຢາກໃຫ້ເຂົ້າໃຈໄປໃນທາງດຽວກັນ ເຊິ່ງມັນກໍ່ດີທີ່ເຂົາເຈົ້າອອກມາເວົ້າ ເພາະວ່າບໍ່ຢາກໃຫ້ລະຄອນເລື່ອງໃດເລື່ອງໜຶ່ງ ເຮັດໃຫ້ເກີດຄວາມແຕກແຍກ ໂດຍສະເພາະເລື່ອງຂອງສາສະໜາ”.

2-nakhee-2-696x350-1

“ແຕ້ວຄິດວ່າຫຼາຍໆຄົນກໍ່ຄືຊິຮູ້ກັນແລ້ວວ່າ ຕົ້ນເຫດຂອງບັ້ງໄຟເກີດມາຈາກຫຍັງຕາມຄວາມເຊື່ອນັ້ນ ແຕ່ນະຈຸດນີ້ຢາກໃຫ້ໂຟກັສ ເລື່ອງຂອງຄົນກັບພະຍານາກຫຼາຍກວ່າ ເລື່ອງຄວາມຮັກກັບຄວາມຜູກພັນຫຼາຍກວ່າ ແຕ່ດີແລ້ວທີ່ມີຄົນອອກມາເວົ້າແນວນີ້ ເພາະເປັນໄປໄດ້ທີ່ອາດຈະມີຄົນທີ່ເລີ່ມຫັນມາສົນໃຈເລື່ອງນີ້ ແລະ ອາດເຂົ້າໃຈຜິດ ດີແລ້ວ ທີ່ຊ່ວຍກັນແກ້ ແລະ ຖ້າໃຜບໍ່ພໍໃຈກໍ່ຕ້ອງຂໍໂທດນຳເດີ້”.

ຕຳນານຄວາມເປັນມາຂອງພະຍານາກ ແລະ ບັ້ງໄຟພະຍານາກ

ເລື່ອງຂອງພະຍານາກໃນພຸດທະສາສະໜາ ໄດ້ມີການກ່າວໄວ້ວ່າ ແຕ່ກ່ອນພະຍານາກທີ່ອາໄສຢູ່ໃນເມືອງບາດານນັ້ນ ມີນິໄສດຸຮ້າຍ ແຕ່ພໍພະພຸດທະເຈົ້າມາໂປດສັດ ກໍ່ເກີດຄວາມເຫຼື້ອມໄສໃນພຸດທະສາສະໜາ, ເຊົານິໄສດຸຮ້າຍ ແລະ ຄິດຈະຫັນອອກບວດ ແຕ່ກໍ່ຕິດທີ່ເປັນສັດ ເຮັດໃຫ້ບໍ່ສາມາດບວດໄດ້ ພະຍານາກຈຶ່ງປະຕິບັດຕົນໃນທາງພຸດທະສາສະໜາ. ເມື່ອພະພຸດທະເຈົ້າສະເດັດຂຶ້ນໄປໂປດພະມານດາ ທີ່ສະຫວັນຊັ້ນຟ້າຈົນຄົບ 1 ພັນສາ (3 ເດືອນ) ແລະ ສະເດັດກັບລົງມາທີ່ໂລກມະນຸດໃນວັນຂຶ້ນ 15 ຄໍ່າເດືອນ 11 ດ້ວຍຂັ້ນໄດແກ້ວ, ຂັ້ນໄດເງິນ ແລະ ຂັ້ນໄດທອງ ທີ່ເຫຼົ່າເທວະດາເຮັດທວາຍ, ສ່ວນໂລກມະນຸດກໍ່ເຮັດບຸນຕັກບາດ ນຳດອກໄມ້ທູບທຽນໄປກາບໄຫວ້ບູຊາ. ເມື່ອຄວາມນີ້ຮູ້ເຖິງພະຍານາກທີ່ຢູ່ໃນເມືອງບາດານ ຈຶ່ງໄດ້ຈັດທຳ “ບັ້ງໄຟພະຍານາກ” ແລະ ໄດ້ຈູດສະເຫຼີມສະລອງເຊັ່ນກັນ ແລະ ໄດ້ກາຍມາເປັນປະເພນີ ແລະ ຕຳນານມາຈົນຮອດປະຈຸບັນນີ້.

%e0%ba%9e%e0%ba%b0%e0%ba%8d%e0%ba%b2%e0%ba%99%e0%ba%b2%e0%ba%81

 

ຂອບໃຈແຫຼ່ງຂ່າວຈາກ: Khaosod, Kapook

ຖ້າຍັງບໍ່ໄດ້ Like ເພຈ໌ເຟສບຸກ “devcrown.com ຄວາມຮູ້ທັນສະໄໝ“, ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຂໍ້ມູນຂ່າວສານ, ຄວາມຮູ້ທີ່ດີດີ.

 

Facebook Comment
SHARE