ສຳລັບພໍ່ແມ່ແລ້ວ ເຊື່ອວ່າທຸກຄົນລ້ວນແຕ່ຢາກໃຫ້ລູກຂອງຕົນເອງ ເຕີບໃຫຍ່ຂຶ້ນມາເປັນຄົນເກັ່ງ ຄົນສະຫຼາດ ແຕ່ແນ່ນອນ ບໍ່ມີໃຜຮູ້ວ່າ ອະນາຄົດຂອງລູກໆພວກເຂົາ ຈະເຕີບໃຫຍ່ມາເປັນຄົນເກັ່ງ ຫຼື ບໍ່ ຈົນກວ່າຈະຮອດມື້ທີ່ພວກເຂົາໃຫຍ່ຂຶ້ນມາ.

ແຕ່ລ່າສຸດນັກວິໄຈຈາກມະຫາວິທະຍາໄລ King’s College ໃນນະຄອນຫຼວງລອນດອນ ປະເທດອັງກິດເປີດເຜີຍວ່າ ໃນອະນາຄົດອັນໃກ້ນີ້ ພວກເຮົາຈະຮັບຮູ້ “ຄວາມສະຫຼາດ” ຂອງລູກໄດ້ ຕັ້ງແຕ່ຢູ່ໃນທ້ອງ ຜ່ານການກວດດີເອັນເອ!!

ທາງນັກວິໄຈໄດ້ຄົ້ນຄິດ Polygenic Score ຫຼື ຄ່າຄະແນນທາງພັນທຸກຳ ໂດຍມີພື້ນຖານມາຈາກໂຕແປທາງພັນທຸກຳ 74 ໂຕ ເຊິ່ງກ່ຽວຂ້ອງກັບສະມັດຕະພາບການຮຽນຮູ້ຂອງມະນຸດ ເຊິ່ງແປວ່າເຮົາອາດ “ຄາດເດົາ” ຄວາມເກັ່ງໃນການຮຽນໜັງສືຂອງບຸກຄົນນັ້ນໆ ຜ່ານການກວດດີເອັນເອນັ້ນເອງ.

ລາຍງານດັ່ງກ່າວຍັງລະບຸວ່າ ຄວາມເກັ່ງຂອງຄົນຍັງສະແດງອອກໂດຍຜ່ານດີເອັນເອເຖິງ 10%.

ແຕ່ຫຼາຍຝ່າຍກັງວົນວ່າ ການທີ່ພໍ່ແມ່ຮູ້ວ່າ ລູກຂອງຕົນຈະສະຫຼາດຫຼືບໍ່ໃນອະນາຄົດ ອາດນຳໄປສູ່ຜົນເສຍຫາຍ ຢ່າງໜັກກັບເດັກນ້ອຍ ເຊິ່ງຈະພາໄປສູ່ການເຮັດແທ້ງກໍ່ເປັນໄດ້ ແລ້ວເຈົ້າຄິດແນວໃດກັບເລື່ອງນີ້.

ແຫຼ່ງຂ່າວຈາກ: Metro, ຮຽບຮຽງ: devcrown.com ຄວາມຮູ້ທັນສະໄໝ

ຝາກ Like, share, comment ເພື່ອສະໜັບສະໜູນພວກເຮົາ ແລະ ຖ້າຍັງບໍ່ໄດ້ Like ເພຈ໌ເຟສບຸກ “devcrown.com ຄວາມຮູ້ທັນສະໄໝ”, ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຄວາມຮູ້ທີ່ດີດີ.

Facebook Comment
SHARE