ໃນເດືອນກັນຍາທີ່ຜ່ານມາ Yahoo ໄດ້ອອກມາຍອມຮັບວ່າໃນປີ 2014 ເຈົ້າຂອງບັນຊີຜູ້ໃຊ້ງານອີເມລ Yahoo ຖືກແຮັກເກີ້ເຂົ້າມາລ້ວງຂໍ້ມູນເຖິງ 500 ລ້ານບັນຊີ ແຕ່ລ່າສຸດໄດ້ອອກມາຍອມຮັບເພີ່ມຕື່ມວ່າ ກ່ອນໜ້ານັ້ນ ຫຼື ໃນປີ 2013 ບັນຊີຜູ້ໃຊ້ງານ Yahoo ເຄີຍຖືກລ້ວງຂໍ້ມູນມາແລ້ວເຖິງ 1 ພັນລ້ານບັນຊີ ແລະ ຖືເປັນການແຮັກຂໍ້ມູນຄັ້ງທີ່ໃຫຍ່ທີ່ສຸດ.

ສ່ວນຂໍ້ມູນທີ່ແຮັກເກີ້ສາມາດເຂົ້າເຖິງໄດ້ຈາກທັງ 2 ເຫດການປະກອບໄປດ້ວຍ: ຊື່ຜູ້ໃຊ້, ອີເມລ, ໝາຍເລກໂທລະສັບ, ວັນເກີດ ແລະ ຂໍ້ມູນທີ່ເປັນຄວາມລັບໃນກໍລະນີທີ່ລືມລະຫັດຜ່ານ ນັ້ນມີຄວາມເປັນໄປໄດ້ວ່າກຸ່ມທີ່ແຮັກໃນປີ 2013 ກັບ 2014 ອາດຈະເປັນກຸ່ມດຽວກັນ?

cover-yahoo-hack-780x439

Yahoo ກຳລັງຢູ່ໃນລະຫວ່າງເຈລະຈາການຂາຍກິດຈະການໃຫ້ກັບ Verizon ໃນມູນຄ່າ 4.83 ພັນລ້ານໂດລ່າ ແຕ່ຫຼັງຈາກການອອກມາຍອມຮັບວ່າບັນຊີຜູ້ໃຊ້ງານຖືກແຮັກ ອາດສົ່ງຜົນເຮັດໃຫ້ Verizon ພິຈາລະນາຂໍຫຼຸດລາຄາໃນການເຂົ້າຊື້ກິດຈະການ ແລະ ຈາກເຫດການຖືກແຮັກໃນປີ 2014 ຍັງສົ່ງຜົນໃຫ້ Yahoo ຖືກຟ້ອງຮ້ອງອີກດ້ວຍ.

Yahoo ແນະນຳໃຫ້ເຈົ້າຂອງບັນຊີປ່ຽນລະຫັດຜ່ານໃໝ່ ຫາກບໍ່ໝັ້ນໃຈເລື່ອງຄວາມປອດໄພ.

 

ຂອບໃຈແຫຼ່ງຂ່າວຈາກ: 9to5mac

ຖ້າຍັງບໍ່ໄດ້ Like ເພຈ໌ເຟສບຸກ “devcrown.com ຄວາມຮູ້ທັນສະໄໝ“, ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຂໍ້ມູນຂ່າວສານ, ຄວາມຮູ້ທີ່ດີດີ.

 

Facebook Comment
ອ່ານບົດຄວາມແລ້ວ ກົດໂຄສະນາລຸ່ມນີ້ທຸກເທື່ອໃຫ້ແດ່ເດີ້ ເປັນການສະໜັບສະໜູນຜູ້ຂຽນອີກທາງ ^^
loading...
SHARE