ໂຄງການຮ່ວມມືທົດລອງແກ້ໄຂຄວາມທຸກຍາກ ລາວ-ຈີນ ແມ່ນໄດ້ຮັບການຊ່ວຍເຫຼືອຈາກກະຊວງການຄ້າ ສາທາລະນະລັດ ປະຊາຊົນຈີນ ກໍ່ຄືລັດຖະບານ ສາທາລະນະລັດ ປະຊາຊົນຈີນ ໃນຂອບການຮ່ວມມື ແມ່ນ້ຳຂອງ-ແມ່ນ້ຳລ້ານຊ້າງ ແລະ ໄດ້ມອບເງິນ ຈຳນວນ 33 ລ້ານກວ່າຢວນ (ປະມານ 40 ຕື້ກີບ) ໃຫ້ສູນຄຸ້ມຄອງໂຄງການຊ່ວຍເຫຼືອຕ່າງປະເທດແກ້ໄຂຄວາມທຸກຍາກ ແຂວງ ກວາງຊີ ແລະ ຄະນະພັດທະນາຊົນນະບົດ ແລະ ລຶບລ້າງຄວາມທຸກຍາກຂັ້ນສູນກາງ, ໂດຍແມ່ນກະຊວງກະສິກຳ ແລະ ປ່າໄມ້ ເປັນຜູ້ຈັດຕັ້ງປະຕິບັດ ໂຄງການດັ່ງກ່າວ,ການຈັດຕັ້ງປະຕິບັດຢູ່ ບ້ານ ຊໍ້ ເມືອງ ສັງທອງ ນະຄອນຫຼວງວຽງຈັນ ແລະ ບ້ານ ຊຽງລ້ອມ ເມືອງ ແລະ ແຂວງ ຫຼວງພະບາງ.

ໃນວັນທີ 14 ມີຖຸນາ 2017 ທີ່ຫ້ອງການກະຊວງກະສິກຳ ແລະ ປ່າໄມ້ ໄດ້ຈັດພິທີເຊັນສັນຍາ ປະຕິບັດໂຄງການຮ່ວມມືແກ້ໄຂຄວາມທຸກຍາກ ລາວ-ຈີນຂຶ້ນຢ່າງເປັນທາງການ ຕ່າງໜ້າຝ່າຍລາວລົງນາມໂດຍ ທ່ານ ຈິດ ທະວີໃສ ຫົວໜ້າຫ້ອງການແຜນການ ແລະ ພົວພັນຕ່າງປະເທດ, ຄະນະພັດທະນາຊົນນະບົດ ແລະ ລຶບລ້າງຄວາມທຸກຍາກ, ກະຊວງ ກະສິກຳແລະປ່າໄມ້; ຝ່າຍຈີນ ໂດຍທ່ານ ຫວັງຊິ່ຮຸ້ຍ ທີ່ປຶກສາດ້ານເສດຖະກິດ-ການຄ້າ, ສະຖານທູດສາທາລະນະລັດ ປະຊາຊົນຈີນ ປະຈຳລາວ ໂດຍມີທ່ານ ປອ ພວງປາຣິສັກ ປຣະວົງວຽງຄຳ ຮອງລັດຖະມົນຕີກະຊວງ ກະສິກຳແລະປ່າໄມ້; ທ່ານ ທອງວັນ ວິໄລເຮືອງ ຮອງຫົວໜ້າຄະນະພັດທະນາຊົນນະບົດ ແລະ ລຶບລ້າງຄວາມທຸກຍາກ (ຜູ້ປະຈຳການ); ພະນັກງານວິຊາການຄະນະພັດທະນາຊົນນະບົດ ແລະ ລຶບ ລ້າງຄວາມທຸກຍາກ ແລະ ແຂກທີ່ຖືກເຊີນກໍ່ໄດ້ໃຫ້ກຽດເຂົ້າຮ່ວມເປັນສັກຂີພິຍານໃນຄັ້ງນີ້ດ້ວຍ.

ແຫຼ່ງຂ່າວຈາກ: laoedaily, ຮຽບຮຽງ: devcrown.com ຄວາມຮູ້ທັນສະໄໝ

ຝາກ Like, share, comment ເພື່ອສະໜັບສະໜູນພວກເຮົາ ແລະ ຖ້າຍັງບໍ່ໄດ້ Like ເພຈ໌ເຟສບຸກ “devcrown.com ຄວາມຮູ້ທັນສະໄໝ”, ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຄວາມຮູ້ທີ່ດີດີ.

Facebook Comment
SHARE