ເຖິງແມ່ນວ່າ iPhone ລຸ່ນທຳອິດຈະເປີດໂຕໃນປີ 2007 ແຕ່ກ່ອນໜ້ານັ້ນ 2 ປີ Apple ໄດ້ຍື່ນຈົດສິດທິບັດ ຄວາມສາມາດ Slide to unlock ໄວ້ໃນວັນທີ 23 ທັນວາ 2005 ຫຼື 11 ປີທີ່ແລ້ວ ແລະ ມັນໄດ້ກາຍມາເປັນໜຶ່ງໃນຄຸນສົມບັດ ສ້າງຄວາມປະທັບໃຈເທິງ iPhone, ຊ່ວຍແກ້ບັນຫາການສຳຜັດຈໍ ໂດຍບໍ່ໄດ້ຕັ້ງໃຈໃນລະຫວ່າງການພົກພາ.

1-slide-to-unlock

ຫຼັງຈາກ iPhone ລຸ່ນທຳອິດເປີດໂຕ, ບັນດາສະມາດໂຟນຄ້າຍອື່ນໆ ກໍ່ນຳສະເໜີວິທີການປົດລ໊ອກທີ່ຄ້າຍກັນຄື ການໃຊ້ວິທີເລື່ອນນິ້ວ ເທິງຈໍສະແດງຜົນ ແຕ່ iPhone ໄດ້ໃຊ້ຮູບແບບທີ່ສວຍງາມ ດ້ວຍແຖບເລື່ອນ ທີ່ຕອບສະໜອງຕໍ່ກັບການສຳຜັດໄດ້ຢ່າງແມ່ນຍຳ ແລະ ມັນຈະເຄື່ອນໄຫວໄປຕາມປາຍນິ້ວ.

ແຕ່ຢ່າງໃດກໍ່ຕາມຄວາມສາມາດ Slide to unlock ເລີ່ມໝົດຄວາມໝາຍລົງເລື້ອຍໆ ຫຼັງຈາກ iPhone 5s ຖືກຳເນີດຂຶ້ນໃນປີ 2013 ແລະ ມັນມາພ້ອມກັບ Touch ID, ກ່ອນທີ່ Apple ຈະຕັດສິນໃຈຖອດຄວາມສາມາດນີ້ອອກໄປ ໃນລະບົບປະຕິບັດການ iOS 10 ໂດຍປ່ຽນມາໃຊ້ການສຳພັດທີ່ປຸ່ມໂຮມແທນ.

2-slide-to-unlock-to-press-home

ທັງນີ້ Apple ກັບ Samsung ຍັງເຄີຍມີເລື່ອງການຟ້ອງຮ້ອງກັນ ກ່ຽວກັບການຄອບຄອງສິດທິບັດ Slide to unlock ແລະ ຈາກຄຳຕັດສິນລ່າສຸດ ໃນເດືອນພະຈິກທີ່ຜ່ານມາ ສານໄດ້ຕັດສິນໃຫ້ Samsung ມີຄວາມຜິດໃນຂໍ້ຫາລະເມີດສິດທິບັດ Slide to unlock ເຊິ່ງສົ່ງຜົນໃຫ້ Samsung ຕ້ອງຈ່າຍຄ່າປັບໃຫ້ກັບ Apple ເປັນຈຳນວນ 119.6 ລ້ານໂດລ່າ ຫຼື ປະມານ 977 ຕື້ກີບ.

 

ຂອບໃຈແຫຼ່ງຂ່າວຈາກ: Flashly

ຖ້າຍັງບໍ່ໄດ້ Like ເພຈ໌ເຟສບຸກ “devcrown.com ຄວາມຮູ້ທັນສະໄໝ“, ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຂໍ້ມູນຂ່າວສານ, ຄວາມຮູ້ທີ່ດີດີ.

 

Facebook Comment

LEAVE A REPLY