ຫຼັງຈາກທີ່ຖ້າມານານສຳລັບແອັບແຊັດຈາກ Google ທີ່ຖືກເປີດໂຕໃນງານ Google I/O 2016 ທີ່ຊານຟຣານຊິສໂກ, ລັດແຄລິຟໍເນຍ, ປະເທດອາເມຣິກາ ເມື່ອກາງປີທີ່ຜ່ານມາ, ເຊິ່ງນັ້ນແມ່ນ Google Allo.

google-allo

ລ່າສຸດມື້ວານນີ້ Google ໄດ້ເລີ່ມປ່ອຍແອັບ Allo ໃຫ້ຜູ້ໃຊ້ໄດ້ດາວໂຫຼດໄປໃຊ້ກັນແລ້ວ ທັງເທິງ Android ແລະ iOS ໂດຍເບື້ອງຕົ້ນແອັບນັ້ນຈະມີຄວາມສາມາດໃນການແຊັດແບບຜູ້ໃຊ້ຫາຜູ້ໃຊ້ ໂດຍທີ່ຜູ້ໃຊ້ສາມາດເຮັດຫຍັງເພີ່ມຕື່ມໄດ້ຫຼາຍຢ່າງເຊັ່ນ: ການຕົກແຕ່ງຮູບກ່ອນສົ່ງ, ການເພີ່ມ-ລົດຂະໜາດຂອງໂຕອັກສອນ, ການສົ່ງສະຕິກເກີ້ ແລະ ຄວາມສາມາດໜຶ່ງ ເຊິ່ງເປັນຄວາມສາມາດເດັ່ນຂອງ Allo ນັ້ນຄື Google Assistance ແລະ ການຄາດເດົາຄຳຕອບໃຫ້ລ່ວງໜ້າໂດຍອັດຕະໂນມັດ, ອີກທັງຍັງສາມາດສ້າງແຊັດກຸ່ມ ແລະ ແຊັດແບບບໍ່ລະບຸໂຕຕົນ (Incognito mode) ໄດ້ອີກດ້ວຍ.

google-allo-2

ໂດຍຜູ້ໃຊ້ທັງ Android ແລະ iOS ສາມາດທົດລອງໃຊ້ກັນໄດ້ແລ້ວ ໂດຍດາວໂຫຼດແອັບ Google Allo ໄດ້ທີ່ Google Play ແລະ App Store ສາມາດເບິ່ງຂໍ້ມູນເພີ່ມຕື່ມໄດ້ທີ່ allo.google.com

google-allo-3

ໝາຍເຫດ. ໃນ iOS ຕ້ອງໂຫຼດຜ່ານ App Store ອາເມຣິກາ.

ເບິ່ງວີດີໂອການນຳໃຊ້ Google Allo ໄດ້ເລີຍ.

 

ຂອບໃຈແຫຼ່ງຂ່າວຈາກ: beartai, Google Allo

ຖ້າຍັງບໍ່ໄດ້ Like ເພຈ໌, ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຂໍ້ມູນຂ່າວສານ, ຄວາມຮູ້ທີ່ດີດີ.

 

Facebook Comment
SHARE