ການຕໍ່ສູ້ຂອງ Nokia ເລີ່ມຕົ້ນຂຶ້ນແລ້ວ ຫຼັງຈາກທີ່ຫ່າງຫາຍໄປຈາກວົງການເປັນເວລາດົນ ພາຍໃຕ້ການເບິ່ງແຍງຂອງ Microsoft ແຕ່ບໍ່ດົນມານີ້ກຸ່ມມືຖືຂອງ Nokia ໄດ້ກັບມາເປັນອິດສະຫຼະອີກເທື່ອ ພ້ອມຮ່ວມກັບ HMD Global ໃນການເຮັດຕະຫຼາດສະມາດໂຟນໃນປີ 2017 ແຕ່ສິ່ງທຳອິດທີ່ Nokia ເຮັດໃຫ້ເຫັນຢ່າງຊັດເຈນ ແມ່ນການຟ້ອງຮ້ອງ Apple ໂດຍກ່າວວ່າ Apple ລະເມີດສິດທິບັດຫຼາຍລາຍການ.

Nokia ອອກຖະແຫຼງການເທິງເວັບໄຊ້ຂອງຕົນເອງ ປະກາດວ່າໄດ້ຢື່ນຟ້ອງ Apple ກັບສານໃນເຢຍລະມັນ ແລະ ອາມາຣິກາໂດຍລະບຸວ່າ Apple ໄດ້ລະເມີດສິດທິບັດລວມ 32 ລາຍການປະກອບໄປດ້ວຍ: ຊອຟຕ໌ແວ, ການເຂົ້າລະຫັດວີດີໂອ, ຊິປເຊັທ, ເທັກໂນໂລຢີຈໍສະແດງຜົນ, ສ່ວນຕິດຕໍ່ຜູ້ໃຊ້, ເສົາອາກາດ ແລະ ອື່ນໆ ເອີ້ນໄດ້ວ່າ Apple ລະເມີດທຸກຢ່າງ ຍົກເວັ້ນໂລໂກ້ໝາກໄມ້ ທີ່ຕິດຢູ່ດ້ານຫຼັງຂອງ iPhone.

ໃນຊ່ວງເວລາກວ່າ 20 ປີທີ່ຜ່ານມາ Nokia ໄດ້ລົງທຶນໄປແລ້ວກວ່າ 1.15 ແສນລ້ານຢູໂຣ ໃນການວິໄຈ ແລະ ພັດທະນາ ຈົນຖືຄອງສິດທິບັດໃນຈຳນວນຫຼາຍໝື່ນລາຍການ ເທິງສະມາດໂຟນ, ແທັບເລັຕ, ຄອມພິວເຕີ້ ລວມທັງອຸປະກອນທີ່ຄ້າຍກັນ. Nokia ອ້າງວ່າ Apple ໄດ້ນຳນະວັດຕະກຳຫຼາຍຢ່າງໄປໃຊ້ໃນຜະລິດຕະພັນ ໂດຍປະຕິເສດຂໍ້ສະເໜີຂອງ Nokia ເຊິ່ງເປັນເຈົ້າຂອງສິດທິບັດ ແລະ ໄດ້ຮັບໃບອະນຸຍາດຕັ້ງແຕ່ປີ 2011.

ທາງດ້ານ Apple ໄດ້ອອກມາໂຕ້ຕອບວ່າ ບໍລິສັດເຄົາລົບໃນຊັບສິນທາງປັນຍາ ແລະ ເຮົາຍິນດີສະເໝີ ຖ້າຫາກຕ້ອງຈ່າຍໃນລາຄາທີ່ຍຸດຕິທຳ ແຕ່ໜ້າເສຍດາຍທີ່ Nokia ພະຍາຍາມຂູດຮີດເງິນດ້ວຍອັດຕາ ທີ່ບໍ່ເປັນທຳ ຈາກການຖືກຳມະສິດເທັກໂນໂລຢີ ທີ່ພວກເຂົາບໍ່ໄດ້ຄິດທີ່ຈະສ້າງມັນຂຶ້ນມາ ແລະ ເຮົາຂໍເປັນໂຕແທນນັກປະດິດທຸກຄົນ ເພື່ອລຸກຂຶ້ນຕໍ່ສູ້ກັບ Nokia.

nokia-vs-apple

 

ຂອບໃຈແຫຼ່ງຂ່າວຈາກ: TechCrunch

ຖ້າຍັງບໍ່ໄດ້ Like ເພຈ໌ເຟສບຸກ “devcrown.com ຄວາມຮູ້ທັນສະໄໝ”, ກະລຸນາ Like ໃຫ້ແນ່ເດີ້, ຊິບໍ່ໄດ້ພາດຂໍ້ມູນຂ່າວສານ, ຄວາມຮູ້ທີ່ດີດີ.

Facebook Comment
ອ່ານບົດຄວາມແລ້ວ ກົດໂຄສະນາລຸ່ມນີ້ທຸກເທື່ອໃຫ້ແດ່ເດີ້ ເປັນການສະໜັບສະໜູນຜູ້ຂຽນອີກທາງ ^^
loading...
SHARE